سوال عن الحب

موضوع: سوال عن الحب الجمعة يونيو 27, 2008 11:51 pm

اعتقد انه مشاكل الحب بتكون ما بين حبيب وحبيبته
لا لكن الحب بيكون بين اى انسان وانسان تانى
احب اقول ان انا بكره ابويا جدا
لكنبجد راجل متسلط وفاكر ان كل الدنيا ملكه
ودايما بينادينى بصايع وبيعامل اخواتى البنات والولاد
احسن منى مع انهم بيعملوا حاجات غلط جدا
وبيسامحهم زى اى اب لكن مش عارف معايا انا
مش عارف بيعاملنى بطريقة وحشة
لكن امى بتعاملنا كلنا زى بعض
لكن هو معايا انا بالذات بحس انه بيفرقنى عنى
وعن اخواتى وامى بتحاول تقوله
عامله كويس بس مش عارف اعمل معاه ايه حتى البنت
الوحيدة اللى حبتها رافض بيقولى هو حتى الصايعين
هيتجوزوا انا عارف انها مشكلة صعبة وملهاش حل
بس انا فعلا عايز اى حل
وانا كمان سايب البيت دايما وده مسبب
مشكلة ليا ولامى ولاخواتى لكن هو ولا حاسس
ارجوك حاول ترد عليا بحل يكون حل يحل كل شىء

أولا أشكرك على السؤال وعلى مشاركتك معنا كأسرة واحدة تهتم الى بعضها :

ثانيا : سؤالك صعب وكلامك أصعب لأنه أبوك مش جوز والدتك

وأنت ممكن يكون الغضب عماك عن الصح لكن برده لازم نفكر سوا على حل

أنت عندك 19 سنه ولسه الحياه والمستقبل أمامك ,

أى أب فى الدنيا بيحب أولاده لكن لازم يكون فى مشاكل فى كل بيت

الأب مع الأم أو مع الأبناء كالمثل الشعبى ( مصارين البطن بتتخانق)

ولكن أنا أرى أنك القادر على حل لمشكلتك بعد أن تجرأت فى الكلام

عن مشكلتك ده معناه أنك حاسس بيها

مشكلتك ده معناه أنك حاسس بيها وعايشها وبتحاول تتدور على حل

وأنا ممكن أساعدك ببعض الأفكار ولك أن تختار :

1- حاول أن تغير من نفسك ( قرب من ربنا ) يعنى تصلى لربنا وتدعيه

2- حاول أن تجتهد فى أى دراسه تعليم عادى أو خارجى ولو حتى كمبيتور

3- حاول أن تتقرب الى أبوك ولا تعصاه ولا تتضع نفسك فى وجه مقارنه معه

ليس لانه الكبير فقط بل لانه أبوك الى رباك وكبرك وبيحبك

وأياك أن تتخيل أنه لا يحبك لانه ليس هناك اب يكره أبنه

4- أرجو أن تؤجل موضوع الفتاه الى أن تستعد الى هذا الموضوع

(الى ملوش خير فى أهله ملوش خير فى حد ) مع صرف النظر عن تركك

لمنزلك ( من خرج من داره أنقل مقداره )

تعليق أخير : أنا مش عايزك تبص للموضوع مسئله كرامه

ولا تقول أنى قلتلك كلام أنشاء بس دى الحقيقة

أكيد عملت حاجه غلط زعلت أبوك منك

ومفيش حد مبيغلطش بس الغلط أنك تستمر فيه

والغلط من وجهه نظرك مش غلط , راجع نفسك بعد

غلط زعلت أبوك منك ومفيش حد مبيغلطش بس الغلط أنك تستمر فيه

والغلط من وجهه نظرك مش غلط

راجع نفسك بعد متصلى وارجع البيت

وبوس ايده وحينسى كل حاجه وبلاش الأفكار المجنونه عن معاملته لك

أجتهد فى الخير وأجنى ثمار الخير

( وعلشان تفكر صح دائما حاول أن

تضع نفسك مكان الى أمامك ولو لحظه وبعدها أحكم على الأمور )

وحاول أن تجد أى عمل لتجنى منه اى مال لحفظ ماء وجهك لانه واضح انه

بيعيرك بانه بيصرف عليك ككثير من الاباء

طبيبك فى الحب

انا حبيت اقول حاجه ليه كلام طبيب الحب كويس جدا وانت حاول تاخد بيه بس انا عندي اخويا بيعاني نفس المشكله بس بشكل مختلف شويه انه ولا بيصرف عليه وبيعايره وهو الولد الوحيد الي عنده وده مخاليه مش مهتم بتعليم ولا شغل يعني انت ممكن تكون احسن منه حاول تستحملهويمكن ده يكون اختبار من عند ربنا وحاول تكمل تعليمك وماتفكرش في حاجه زي ديه اهتم بدراستك هيا الي هاتنفعك في الدنيا ديه

فعلا عندك حق يا شروق جميل اوى كلامك وطبيب الحب فعلا بيقول الحقيقة والنصيحة الصح