واحد بيحب بجد

السلام عليكم احب ابتدى يا دكتور بمشكلتى وهى

مشكلة عويصة جدا انا اسمى هانى

وبحب واحدة عندها 19 سنة وانا عندى 23 وهى كمان

بتبادلنى الحب المهم حبينا بعض وكده

وانا امكانياتى المالية كويسة وليه شغلة

فلما رحت عشان اتقدملها رفضونى جداا اول ما عرفوا ان انا كنت متجوز

وطلقت انا عارف انك اتفاجئت بس هتستغرب وتقول انى سنى صغير

عارف بس فى ظروف حصلت مش هقدر اقول واكيد انت هتفهمها

المهم انا الموضوع ده كان من 3 سنين واتجوزنا شهرين وبعد كده انفصلنا

المهم ده اتمسح نهائى من ذاكرتى وعاوز ابتدى حياتى من جديد

مع اللى بحبها ومش نزوة ولا مراهقة بس انا بحبها بجد جداا

والمشكلة بقى فى ان اهلها صعايدة جدااااااااااا

رافضين جدا فكرة ان انا كنت متجوز مش عارف ليه

خايفين انى اطلقها هى كمان وحلفتلهم مليون مرة انى بحبها وهى بتحاول تقنعهم

انا عارف انك هتفتكر انى طالع من مسلسل عربى

بس بجد انا نفسى اشكى لحد عشان انا مخنوق جداا

ارجوك تحلها فى اسرع وقت شكرااااااااا

على فكرة كل اللى انا اقدر اقولهولك

ان المشكلة بتاعتك دة بجد عويصة

زى ما انت قولت فى اول رسالتك

بس علشان المشكلة بتاعتك تتحل لازم نعرف مشكلتك

اللى هى انت اتجوزت لية

ولما نعرف السبب يمكن الدكتور يحلهالك


بس الصراحه ان مش لقيلك حل

وكل اللى اقدر اقولهولك ربنا يعينك

وان شاء الله حبكم يعيش وربنا يوفقك

الصراحه انا مش شايف حل للمشكله ده بس انا رأيى انك تحاول تانى عشان متضحيش بحبك ليها

يعنى متستسلمش وحاول تانى وتالت وهى كمان وربنا يوفقك

اولا : انا بشكرك على ثقتك بى يا هانى وسعيد جدا انك فتحت قلبك وقلت مشكلتك

لان ده اول الطرق لحل المشكلة .

* بصراحة وبدون زعل انا استشعرت من كلامك ان هناك خطأ وذنب حدث من ثلاث سنوات

وانت تجنى ثمار ما اقترفته يداك من ذنب ولكن مع احساس بحبك الشديد

انك تريد ان تنسى ما حدث وتبدأ صفحة جديدة مع من احببت ولك الحق فى ذلك ولكن !!!

* بصراحة يا هانى بعد ما سديت كل المواضيع امامى وحاولت بكل الطرق

انك تقفلها امامى انا حسيت واستشعرت ايضا من كلامك انك بتحب بجد

والحب شىء جميل لا يقف فى وجه اى شىء فمن يحب بجد لا يستسلم بسهولة

وتقول مليون مرة بل اجعلها مليون وواحد وألف حتى تصل الى مبتغاك

( اسعى يا عبد وانا اسعى معاك )

- نصيحتى :

أذهب الى والدها او الرجل المسئول عنها مرة اخرى وحاول باى طريقة ان تثبت له

وانت كلك ثقة فى نفسك وفى الله عز وجل

واقبل التحدى ان تقول له ماذا تريد وباى طريقة ان اثبت لك ان احافظ على بنتك المصون .

واذا كنت تحبها فستفعل اى شىء يطلبونه لتثبت حسن نيتك فى الاصول انك سوف ترعاها

الى اخر العمر وقل له : ان بنت الاصول تبقى ذى الجوهرة يصعب العثور عليها

فلا تحاول ان تحرمنى من اقتناء الجوهرة من بيت الجواهر

للحفاظ عليها وليس بالحب فقط ولكن بمرعاتى لله فيها وفى بيتى .

- ولكن اريد ان تتذكر انه ليس كل ما تتمناه تناله وليس كل ما تتمناه تناله بسهولة

فاعمل ما عليك واترك الباقى على الله ( واذا فرغت فانصب والى ربك فأرغب )

وان شاء الله نسمع أخبار حلوة ونبارك بالجواز وانتظر الخبر الحلو .

شكرا اوى يا دكتور على ردك ليا بس خلاص كل واحد راح لحاله وهحاول انساها